Сoстојки:
125 г бланширани бадеми, тостирани и крупно исецкани
125 г пржени лешници, крупно исецкани
60 г кандирани кајсии, ситно исецкани
60 г кандиран ананас, ситно исецкан
60 г мешано суво овошје, ситно исецкано
2/3 чаша (100 г) обично брашно
2 лажица какао во прав
1 лажичка мелен цимет
1/3 чаша (75 г) АГРАГОЛД бел кристален шеќер
½ чаша (175 г) мед
60 г темно чоколадо, истопено со АГРАГОЛД шеќер во прав
Подготовка: Во поголем сад ставете бадеми, лешници, кајсија, ананас, суво овошје, какао и цимет и добро измешајте.
Намастете подлабок кружен калап со пречник 20 см и обложете го со хартија за печење.
Во сад со средна големина ставете шеќер и мед и варете на тивок оган додека шеќерот не се стопи. Кога ќе зоврие, намалете ја температурата и мешајте уште 5 минути. Добиениот сируп и чоколадото додадете го во смесата со бадеми и лешници и добро измешајте.
Смесата брзо и рамномерно истресете ја во подготвениот калап и печете во рерна на средна температура околу 35 минути. Готовиот колач извадете го од рерна и изладете го во калапот. Извадете го колачот со хартијата за печење, отстранете ја, и колачот замотајте го во алуминиумска фолија. Оставете така да отстои најмалку еден ден пред сечење. Пред сервирање, колачот посипете го со шеќер во прав.
*Совет: Колачот може да остане свеж, замотан во алу-фолија на собна температура, и до неколку седмици.